Í morgin verður fimta og seinasta etapa koyrd. Byrjað verður klokkan 13, uttanfyri hjá Leif Mohr á Hoyvíksvegnum.
Koyrt verður úr Havn, gjøgnum Kaldbakstunnilin, Kollafjørð, og til Hósvíkar. Her verður vent, og so gongur leiðin aftur gjøgnum Kollafjørð, til Kollfjarðadal, og síðan eftir Oyggjarvegnum til Havnar.
Komnir til Havnar verður koyrt eftir Ringvegnum yvir til Hoyvíksvegin. Síðani verður koyrt tvær ferð runt á leiðini Hoyvíksvegur, Tjaldursvegur, Falkavegur og Staravegur. Málið er á sama stað sum starturin, uttanfyri hjá Leif Mohr.
Aftaná verður heiðursmerkjahandan, har Heðin Mortensen, borgarstjóri, kemur at handa heiðursmerkir. Til høvi bjóðar Leif Mohr pylsur og okkurt leskandi at drekka. Øll eru vælkomin.
